ஒரு சில திரைப்படங்களில் நடித்து காணாமல் போன நடிகர்மற்றும் நடிகைகள்.! அட லிஸ்டில் இந்த ஹீரோவும் இருக்காரா…

சினிமாவை பொறுத்தவரை முதல் படத்தில் தோல்வியடைந்தாலும் அடுத்தடுத்த வாய்ப்பினை எப்படியாவது பெற்று சினிமாவில் நிலைத்து வருகிறார்கள் ஆனால் ஒரு சில நடிகை மற்றும் நடிகர்கள் தன்னுடைய முதல் படம் மிகப்பெரிய அளவில் வெற்றி பெற்று இருந்தாலும் ஒரு சில திரைப்படங்களில் மட்டும் நடித்துவிட்டு காணாமல் போய்விடுகிறார்கள். அவர்களைப் பற்றி தான் தற்போது நாம் பார்க்க இருக்கிறோம்.

மானு :- இவர் அஜித் நடிப்பில் வெளியான காதல் கொண்டேன் திரைப்படத்தின் மூலம் கதாநாயகியாக அறிமுகமானார் நடிகை மானு. இந்த படத்தில் நடிப்பதற்கு முன்பாக நடிகை மானு அவர்கள் ஒரு நடன கலைஞராக இருந்து வந்துள்ளார் அது மட்டுமல்லாமல் ஒரு நடனம் அரங்கேற்றத்திற்கு நடிகை மானு அவர்கள் சென்னை வந்திருக்கிறார்.

அப்போது இவருடைய நடனத்தை பார்த்த நடிகர் ஒருவர் பிரபல இயக்குனரிடம் உங்களுடைய படத்தில் அடுத்த வாய்ப்பு இந்த பெண்ணுக்கு கொடுங்குமாறு கேட்டுக் கொண்டார். அப்படி வந்த வாய்ப்பில் தான் காதல் மன்னன் திரைப்படத்தில் நடித்தார். ஆனால் இந்த படத்தில் நடித்துக் கொண்டிருக்கும் போது அவர் முழு மனதோடு நடிக்கவில்லை அவருக்கு முழு ஆர்வமே நடனத்தில் தான் இருந்தது அதனால் இந்த படம் முடிந்த உடனே இனிமேல் எந்த படத்திலும் நடிக்க மாட்டேன் என்று தன்னுடைய நடன வாழ்க்கையை பார்த்துக் கொண்டு வருகிறாராம்.

ஸ்ருதிகா :- இவர் சூர்யா நடிப்பில் வெளியான ஸ்ரீ திரைப்படத்தில் சூர்யாவுக்கு ஜோடியாக நடித்திருப்பார். அதன் பிறகு ஒரு சில திரைப்படங்களில் நடித்து வந்த ஸ்ருதிகா படிப்பு தான் முக்கியம் என்று சினிமாவை விட்டு விலகிவிட்டார். அதன் பிறகு ஒரு 18 ஆண்டுகள் கழித்து தற்போது விஜய் டிவியில் ஒளிபரப்பாகும் குக் வித் கோமாளி நிகழ்ச்சியில் கலந்து கொண்டு வருகிறார்.

பிரீத்தா விஜயகுமார் :- இவர் தமிழில் வெறும் 4 வருடங்கள் மட்டும்தான் சினிமாவில் இருந்திருக்கிறார். இவர் தமிழில் வெறும் 8 படம் தான் நடித்திருக்கிறார் என்பது குறிப்பிடத்தக்கது அதன் பிறகு தெலுங்கு பக்கம் திரும்பிய இவர் அங்கும் பெரிதாக  வரவேற்பு பெறவில்லை. அது மட்டுமல்லாமல் அவருக்கு  சினிமாவில் வாய்ப்பும் குறைய ஆரம்பித்தது அந்த நேரத்தில் இயக்குனர் ஹரியை திருமணம் செய்து கொண்டு செட்டிலாகி விட்டார்.

அங்காடித்தெரு மகேஷ் :-  இவர் அங்காடித்தெரு எனும் ஒரு மிகப்பெரிய வெற்றி படத்தில் நடித்து அதன் பிறகு கதை எப்படி தேர்ந்தெடுப்பது என்று தெரியாமல் மொக்க மொக்க கதையாக தேர்ந்தெடுத்து நடித்து வந்தார். அதுமட்டுமல்லாமல் சம்பாதிக்கும் காசுகளை அனைத்தையும் பார்ட்டி நண்பர்களுடன் ஜாலியாக ஊர் சுற்றுவது என அதிலேயே செலவிட்டு வந்தார் இதனால் இவருக்கு சினிமாவில் மார்க்கெட்டும் குறைந்தது வாய்ப்பு குறைந்தது.

ஸ்ரீதேவி விஜயகுமார் :- இவர் தமிழில் வெறும் நான்கே படங்களில் மட்டும் தான் நடித்திருக்கிறார். அதிலும் இவர் கடைசியாக நடித்த படம் தான் காதல் கொண்டேன் இந்த படத்திற்கு பிறகு நடிகை ஸ்ரீதேவி தமிழில் நடிக்கவில்லை அதன் பிறகு தெலுங்கில் ஒரு சில திரைப்படங்களில் நடித்து வந்த இவர் சினிமாவிற்கு மொத்தமாக குட்பாய் சொல்லிவிட்டு திருமணம் செய்து கொண்டு செட்டில் ஆகிவிட்டார்.

பிரத்யுஷா :- இவர் தமிழில் சில திரைப்படங்களில் நடித்து வந்தார். ஆனால் பிரத்யுஷா தன்னுடைய இருபதாவது வயதில் மர்மமான முறையில் தற்கொலை செய்து கொண்டு இறந்து விட்டார். ஆனால் இவர் நடித்த அனைத்து படங்களும் ரசிகர்கள் மத்தியில் நல்ல வரவேற்பு பெற்று இருக்கிறது குறிப்பிடத்தக்கது அதுமட்டுமல்லாமல் இவர் சினிமாவில் ஒரு ரவுண்டு வருவார் என எதிர்பார்க்கப்பட்ட நேரத்தில் தற்கொலை செய்து கொண்டார்.

அப்பாஸ்:- இவர் தமிழில் சில படங்களில் நடித்துக் கொண்டிருக்கும் போது இவருக்கு ஏராளமான பெண் ரசிகர்கள் இருந்தார்கள் அது மட்டுமல்லாமல் இவருக்கு தமிழில் பல திரைப்படங்களின் வாய்ப்புகள் வந்து கொண்டே இருந்தது. அதேசமயம் இவருக்கு தமிழ் தெரியாததால் இவர் ஒரு மேனேஜரை வைத்திருந்தார் அந்த மேனேஜரும் அவரிடம் எதுவும் கேட்காமல் ஒரு 18 படத்திற்கு முன்பதிவு செய்து இருக்கிறார்.

அந்த நேரத்தில் ஜீன்ஸ் போன்ற ஒரு நல்ல கதைகளம் உடைய திரைப்படங்கள் வந்தது ஆனால் அப்பாஸ் ஏற்கனவே 18 படங்களில் நடிக்க ஒப்புகொண்டார் அவரால் உங்க படத்தில் நடிக்க முடியாது என்று அந்த மேனேஜர் கூறி இருக்கிறார் அதுமட்டுமல்லாமல் அந்த மொக்க மொக்க 18 படங்களிலும் அப்பாஸ் நடிக்க இருந்தார் அதில் ஒன்று இரண்டு படத்தில் நடித்து தோல்வியடைந்ததால் மீதி உள்ள படங்கள் அவர் கையை விட்டு போனது அது மட்டுமல்லாமல் அட்வான்ஸ் கொடுத்தவர்கள் அவரிடம் அட்வான்ஸ் கேட்டு பிரச்சினை செய்தார்கள்.

இதனால் அவருடைய மார்க்கெட் சுத்தமாக சரிந்தது பட வாய்ப்பை இழந்து தற்போது சினிமாவில் நடிக்காமல் சில விளம்பரங்களில் நடித்து வருகிறார்.

இவர்களைத் தொடர்ந்து விக்ரம் ஆதித்யா, யோகி, ரவி கிருஷ்ணா இவர்கள் சினிமாவில் ஒரு சில திரைப்படங்களில் மட்டும் நடித்து தற்போது சினிமா பக்கம் வராமல் வேறொரு தொழிலை செய்து வருகிறார்கள்.