நடிகர் சூர்யா சமீபகாலமாக சமூக அக்கறை உள்ள திரைப்படங்களை கொடுத்து மக்கள் மற்றும் ரசிகர்களை வெகுவாக கவர்ந்து விடுகிறார் அந்த வகையில் ஜெய்பீம், சூரரைப்போற்று ஆகிய திரைப்படங்களை தொடர்ந்து இப்பொழுது அவர் நடிப்பில் வெளிவந்துள்ள திரைப்படம் தான் எதற்கும் துணிந்தவன்.
இத்திரைப்படம் இன்று கோலாகலமாக திரையரங்கில் வெளியாகி ஓடிக்கொண்டிருக்கிறது. இந்த திரைப்படமும் மக்களுக்கு நல்லதொரு கருத்தை எடுத்துரைக்கும் திரைப்படமாக இருந்து வருவதால் ரசிகர்கள் கூட்டத்தையும் தாண்டி பொதுமக்களும், பெண்களும் தற்போது படத்தைப் பார்க்க திரையரங்கை நாடி உள்ளனர்.
இந்த திரைப்படத்தை தொடர்ந்து நடிகர் சூர்யா தனது பேவரிட் இயக்குனரான பாலாவுடன் மீண்டும் ஒருமுறை கைகோர்க்க உள்ளார்.இந்த படத்தின் சூட்டிங் மார்ச் 20 ஆம் தேதி தொடங்கப்பட இருப்பதாக தகவல்கள் வெளிவருகின்றன இதற்கான வேலைகளில் படக்குழுவினர் இறங்கி உள்ளது.
இந்த படத்தில் சூர்யாவுக்கு ஜோடியாக அவரது மனைவி ஜோதிகா நடிக்க இருப்பதாக தகவல்கள் தெரிவிக்கின்றன. இருவரும் இணைந்து பல வருடங்கள் ஆகிய நிலையில் தற்போது இவர்கள் இந்த படத்தில் இணைய உள்ளதால் படத்திற்கான எதிர்பார்ப்பு மக்கள் மற்றும் ரசிகர்கள் மத்தியில் பார்க்கப்படுகிறது..
மேலும் இந்த திரைப்படத்தில் பல்வேறு டாப் நடிகர், நடிகைகளை படக்குழு கமிட் செய்து வருகிறது. அந்த வகையில் அதர்வா, கீர்த்தி சுரேஷ் மற்றும் ஐஸ்வர்யா ராஜேஷ் ஆகியோர் முதன்மை கதாபாத்திரத்தில் நடிக்க உள்ளதாக கூறப்படுகிறது. மேலும் பல டாப் நடிகர், நடிகைகளை படக்குழு தேர்வு செய்து வருகிறது. இதற்கான அறிவிப்பு விரைவில் அறிவிக்கும் என கூறி உள்ளது.