கேப்டன் விஜயகாந்த் பற்றி நா ம் அனைவருக்கும் தெரியும் ஏனென்றால் அந்த அளவிற்கு தமிழ் சினிமாவிலும் சரி தமிழ்நாட்டு அரசியலிலும் சரி ஒரு முக்கிய புள்ளி என்று கூறலாம். ஆரம்ப காலத்தில் மிகவும் கஷ்ட நிலையில் இருந்து வந்த கேப்டன் விஜயகாந்த்,தனது விடாமுயற்சி மற்றும் நம்பிக்கையினால் காலப்போக்கில் தமிழ் சினிமாவில் ஒரு முக்கிய நடிகராக வலம் வந்தார்.
அவர் நடித்த படங்களும் சரி அப்படத்தில் வரும் பாடல்களும் சரி மிக அருமையாக இருக்கும் மேலும் ஒரு சில பாடல்களில் அவரது நடனம் ரசிகர்களை வெகுவாக கவர்ந்தது. அம்மன் கோவில் கிழக்காலே என்னும் திரைப்படத்தில் வரும் ஒரு பாடலான சின்ன மணிக்குயிலே என்னும் பாடலில் மிக அருமையாக நடனமும்,நடிப்பும் அமைந்திருக்கும்.
மேலும் கேப்டன் விஜயகாந்த் தமிழக அரசியலில் முக்கிய பங்காற்றினார், தற்பொழுதும் கேப்டன் விஜயகாந்திற்கு தனிப்பெரும் தொண்டர்கள் உள்ளனர். ஆனால் காலப்போக்கில் அவரது வயது கூடியதால் உடல் எடை அதிகமானது அதன் காரணமாக இருதயம் சம்பந்தப்பட்ட நோய்வாய்ப்பட்டார், இது ரசிகர்களிடையே சோகத்தை ஏற்படுத்தியது.
அதிலிருந்து மீண்டு வர வேண்டும் என்று ரசிகர்கள் மற்றும் தொண்டர்கள் அனைவரும் கடவுளிடம் பிரார்த்தனை செய்தார்கள். இன்று விஜயகாந்த் அவரது மகன் சண்முக பாண்டியனின் பிறந்தநாள் கொண்டாட்டத்தில் ஈடுபட்ட போது அவர் தனது இரு மகன்களுடன் முத்தமிடும் புகைப்படம் வெளியாகி ரசிகர்களிடையே மிகப்பெரிய உற்சாகத்தை ஏற்படுத்தியது.
மேலும் அதிர்ச்சியையும் ஏற்படுத்தியது ஏனென்றால் அப்புகைப்படத்தில் விஜயகாந்த் மிகவும் உடல் எடை குறைந்து, மிக உற்சாகத்துடன் காட்சி அளிப்பதால் பழைய விஜயகாந்தாக மாறி வருவதை ரசிகர்கள் உணர்ந்தனர். மேலும் இப்புகைப்படம் ரசிகர்களால் சமூக வலைத்தளங்களில் பகிர்ந்து வரப்படுகிறது.
