Actor Vijay: செப்டம்பர் மாதம் அதிகம் பேசப்பட்ட இந்தியர்கள் குறித்த டாப் 10 பட்டியலை எக்ஸ் தளப்பக்கம் வெளியிட்டு இருக்கும் நிலையில் அதில் விஜய்யின் பெயரும் இடம் பெற்று இருப்பது ரசிகர்களுக்கு மிகவும் மகிழ்ச்சி ஏற்படுத்தி உள்ளது. சில வருடங்களாக சமூக வலைதளங்களான எக்ஸ், இன்ஸ்டாகிராம், யூடியூப், வாட்ஸ் அப், பேஸ்புக் போன்றவற்றை ரசிகர்கள் அதிக அளவில் பயன்படுத்தி வருகின்றனர்.
அப்படி இந்த சமூக வலைதளங்களில் திரை பிரபலங்கள் குறித்தும் பேசப்படுவது வழக்கம். அந்த வகையில் செப்டம்பர் மாதம் எக்ஸ் தளத்தில் அதிகம் பேசப்பட்ட டாப் 10 கணக்கு குறித்த தகவல் வெளியாகி உள்ளது. முதல் இடத்தில் பிரதமர் நரேந்திர மோடி உள்ளார்.
இரண்டாவது இடத்தில் இந்தியா கிரிக்கெட் அணியின் நட்சத்திர வீரர் விராட் கோலி, மூன்றாவது இடத்தில் பாலிவுட் ஸ்டார் ஷாருக்கான், நான்காவது இடத்தில் தளபதி விஜய், ஐந்தாவது இடத்தில் முதல்வர் யோகி ஆதித்யநாத் போன்றவர்களும் இடம் பெற்றுள்ளனர்.
டாப் 5வை தொடர்ந்து ஆறாவது இடத்தில் தெலுங்கு நடிகர் பவன் கல்யாணும், ஏழாவது இடத்தில் பாலிவுட் நடிகர் சல்மான்கான், எட்டாவது இடத்தில் காங்கிரஸ் மூத்த தலைவர் ராகுல் காந்தியும், ஒன்பதாவது இடத்தில் இந்திய கிரிக்கெட் அணியின் கேப்டன் ரோகித் சர்மாவும், பத்தாவது இடத்தில் பாலிவுட் நடிகர் அக்ஷய்குமார் இடம் பிடித்துள்ளார்கள்.
இவ்வாறு டாப் 10ல் நான்காவது இடத்தை விஜய் பிடித்திருப்பது ரசிகர்களுக்கு மிகவும் மகிழ்ச்சியை ஏற்படுத்தியுள்ளது. விஜய் நடிப்பில் வருகின்ற அக்டோபர் 19ஆம் தேதி அன்று லியோ திரைப்படம் வெளியாக இருக்கும் நிலையில் இந்த படத்தின் இசை வெளியீட்டு விழா ரத்து செய்யப்பட்டு இருப்பது. எனவே இது ரசிகர்கள் மத்தியில் சோகத்தை ஏற்படுத்தியுள்ளது.
இவ்வாறு இந்த இசை வெளியிட்ட விழா குறித்து அதிகமாக எக்ஸ் தளப்பக்கத்தில் பேசப்பட்டுள்ளது. லோகேஷ் கனகராஜ் இயக்கத்தில் உருவாகியிருக்கும் லியோ திரைப்படம் வெளியாகுவதற்கு முன்பாக அக்டோபர் 12ஆம் தேதி பிரம்மாண்டமாக பிரஸ்மீட் ஒன்று நடத்த படக்குழு திட்டமிட்டு இருப்பதாகவும் கூறப்படுகிறது.