தளபதி விஜய் படத்தில் இணையும் சிவகார்த்திகேயன்!! வைரலாகும் ட்வீட்..

லோகேஷ் கனகராஜ் இயக்கத்தில் விஜய் நடித்த மாஸ்டர் திரைப்படம் பொங்கலுக்கு திரையரங்கு மற்றும் அமேசான் பிரைன்ம் வீடியோவில் ரிலீசாகி ரசிகர்களிடையே நல்ல வரவேற்பு பெற்றது. இந்தத் திரைப்படம் பாக்ஸ் ஆபீஸில் 250 கோடிகளுக்கு மேல் வசூல் ஆகி சாதனை படைத்துள்ளது.

மாஸ்டர் திரைப்படத்தின் வெற்றியை தொடர்ந்து விஜய் அடுத்து நடிக்க உள்ள திரைப்படத்தின் அறிவிப்பு பற்றி ரசிகர்களிடையே எதிர்பார்ப்பு அதிகம் உள்ளது.

இயக்குனர் நெல்சன் திலிப்குமர் இயக்கத்தில் தளபதி விஜய் நடிக்கும் 65 திரை படத்தின் ஷூட்டிங் வரும் ஏப்ரல் மாதம் தொடங்க உள்ளது. இந்த திரைப்படத்தில் இவருக்கு ஜோடியாக பூஜா ஹெக்டே அல்லது ராஷ்மிகா மந்தனா நடிக்க உள்ளதாக தெரியவந்துள்ளது.

இந்தத் திரைப்படத்தில் காமெடி நடிகர் யோகிபாபு மற்றும் குக் வித் கோமாளி புகழ் போன்றோர் நடிக்க உள்ளதாக தெரியவந்துள்ளது. மேலும் இந்த திரைப்படத்தில் விஜய்க்கு வில்லனாக நவாசுதீன் சித்திக் மற்றும் வித்யுத் ஜாம்வால் இருவரும் நடிக்க உள்ளதாக தகவல் வெளியாகியுள்ளது.

இயக்குனர் நெல்சன் திலீப் குமார் சிவகார்த்திகேயனின் நெருங்கிய நண்பர் என்பதால் விஜயுடன் இந்த திரைப்படத்தில் நடிக்க வாய்ப்பு உள்ளதாக தெரியவந்துள்ளது அப்படி இல்லை என்றால் இந்த திரைப்படத்திற்கு ஒரு பாடலாவது எழுதி தர வாய்ப்பு உள்ளது என நடன இயக்குனர் சதீஷ் அவரது ட்விட்டர் பக்கத்தில் கூறியுள்ளார்.

நடிகர் சிவகார்த்திகேயன் இயக்குனர் திலீப்குமார் இயக்கிய கோலமாவு கோகிலா என்ற திரைப்படத்தில் கல்யாண வயசு என்ற பாடலை எழுதி உள்ளதால் இந்த திரைப்படத்திலும் ஒரு பாடல் எழுத வாய்ப்பு உள்ளது என கூறி உள்ளார்.
இதோ அந்த ட்விட்.