சூர்யா நடிப்பில் கடந்த 2022 ஆம் ஆண்டு தொடக்கத்தில் எதற்கும் துணிந்தவன் படம் வெளியானது. அதன் பிறகு அவர் கேமியோ ரோலில் நடித்த விக்ரம், ராக்கெட்டரி நம்பி ஆகிய படங்கள் வந்தது.
ஆனாலும் இவர் ஹீரோவாக திரையை ஆக்கிரமிக்கும் படங்கள் வரவில்லை என்பது ரசிகர்களுக்கு பெரிய குறை தான். அதற்கெல்லாம் சேர்த்து வட்டியும் முதலுமாக தற்போது கங்குவா தயாராகிவிட்டது.
அக்டோபர் 10ஆம் தேதி வெளியாக வேண்டிய இப்படம் தலைவரால் நவம்பர் மாதத்திற்கு சென்றுள்ளது. ஆனாலும் ரசிகர்களை இனிமேல் காக்க வைக்க கூடாது என சூர்யா அடுத்தடுத்த படங்களில் பிஸியாக நடித்து வருகிறார்.
அந்த வகையில் தற்போது அவர் கார்த்திக் சுப்புராஜ் இயக்கத்தில் தன்னுடைய 44வது படத்தில் நடித்து வருகிறார். இதன் படப்பிடிப்பு அடுத்த மாதம் முடிவடைய இருக்கிறது. அதை தொடர்ந்து சூர்யா 45ல் அவர் நடிக்க உள்ளார்.
இப்படத்தை ஆர் ஜே பாலாஜி இயக்க உள்ளதாகவும் ஏ ஆர் ரகுமான் இசையமைக்க இருப்பதாகவும் ஒரு தகவல் பரவி வருகிறது. ஆனாலும் அதிகாரப்பூர்வமான அறிவிப்பு இன்னும் வெளிவரவில்லை.
அதன்படி அவருடைய 45 வது படம் டிசம்பர் மாத தொடக்கத்தில் ஆரம்பிக்கப்பட இருக்கிறது. அதேபோல் கார்த்திக் சுப்புராஜ் கூட்டணியின் படம் பொங்கல் பண்டிகையை முன்னிட்டு வெளியாகும் என எதிர்பார்க்கப்படுகிறது.
அதைத்தொடர்ந்து சூர்யா 45 அடுத்த வருடத்தின் இரண்டாம் பாதியில் வெளியாகும் வாய்ப்பு இருக்கிறது. இதை வைத்து பார்க்கும் போது ஒரே வருடத்தில் சூர்யா நடிப்பில் மூன்று படங்கள் வெளிவர இருக்கிறது.
அது மட்டும் இன்றி வாடிவாசல் படமும் வெய்ட்டிங்கில் இருக்கிறது. இந்த படங்களை முடித்துவிட்டு அவர் அதில் தான் பங்கேற்க இருக்கிறார். அதை அடுத்து பிரம்மாண்ட பட்ஜெட்டில் உருவாகும் ஒரு படமும் உள்ளது இப்படியாக சூர்யா தற்போது பிசியாக மாறியுள்ளார்.