தமிழ் சினிமாவில் பல நடிகர்கள் தற்போது வில்லன் அவதாரம் எடுத்து மக்கள் மத்தியில் நல்ல வரவேற்பை பெற்று வருகின்றனர். அதேபோல் ஒரே திரைப்படத்தில் ஹீரோ, வில்லன் என மாறி மாறி நடித்து அசத்திய நடிகர்களை பற்றி தான் தற்போது நாம் பார்க்க இருக்கிறோம்.
அஜித்:- இவர் வாலி, வரலாறு, வில்லன் பில்லா அட்டகாசம் என 5 திரைப்படங்களிலும் இரண்டு கதாபாத்திரங்களில் நடித்துள்ளார் அதில் ஒரு கதாபாத்திரம் வில்லன் கதாபாத்திரத்தில் நடித்து பிரபலமாகியுள்ளார் மேலும் வில்லன் திரைப்படம் ரசிகர்கள் மத்தியில் புகழின் உச்சத்திற்கு சென்றது.
விஜய்:- ரசிகர்களின் வேண்டுகோளுக்கு இணங்க விஜய் அவர்கள் இரு வேடத்தில் நடித்த திரைப்படம் தான் அழகிய தமிழ் மகன் இந்த திரைப்படம் 2007 ஆம் ஆண்டு வெளியாகி தோல்வியை சந்தித்தது இருந்தாலும் இந்த திரைப்படத்தில் வில்லன் கதாபாத்திரம் ரசிகர்களுக்கு பிடித்த வண்ணம் அமைந்தது.
ரஜினிகாந்த்:- பிரம்மாண்ட இயக்குனர் சங்கர் இயக்கிய எந்திரன் திரைப்படத்தில் நடிகர் ரஜினிகாந்த் அவர்கள் இரண்டு வேடங்களில் நடித்துள்ளார் இந்த திரைப்படத்தில் ஒரு வேடத்தில் படத்தின் பாதையில் இருந்து வில்லனாக நடித்து அசத்தியிருப்பார்.
கமல்ஹாசன்:- ஆளவந்தான் திரைப்படத்தில் மாறுபட்ட நடிப்பில் ரசிகர்களை கவர்ந்து உள்ளார் என்று தான் சொல்ல வேண்டும் அந்த அளவிற்கு தனது உடல் எடையை குறைத்து ஒவ்வொரு கதாபாத்திரத்திலும் வேறுபாடு காட்டியுள்ளார் நடிகர் கமல்.
விக்ரம்:- மற்ற நடிகர்களைப் போல தானும் ஏதோ ஒரு திரைப்படத்தில் இரண்டு வேடங்களில் நடிக்க வேண்டும் என்ற நோக்கத்தில் விக்ரம் நடித்த திரைப்படம் தான் இருமுகன் இந்த திரைப்படத்தில் மாறுபட்ட வேடத்தில் வில்லனாக நடித்திருப்பார் நடிகர் விக்ரம்.
சூர்யா:- நடிகர் சூர்யா மூன்று கதாபாத்திரங்களில் நடித்து ரசிகர் மத்தியில் நல்ல வரவேற்பு பெற்ற திரைப்படம் தான் 24. இந்த திரைப்படத்தில் ஒரு கதாபாத்திரம் அப்பாவாகவும் மற்றொரு கதாபாத்திரம் மகனாகவும் நடித்திருப்பார். மேலும் நடிகர் சூர்யா மூன்றாவது கதாபாத்திரத்தில் வில்லன் கதாபாத்திரத்தில் நடித்திருப்பார்.
சிலம்பரசன்:- தமிழ் சினிமாவில் குழந்தை நட்சத்திரமாக அறிமுகமாகி தற்போது லிட்டில் சூப்பர் ஸ்டார் என்று அழைக்கப்படுபவர் நடிகர் சிலம்பரசன். மன்மதன் என்ற திரைப்படத்தில் இரட்டை வேடத்தில் நடித்துள்ளார்.
ஜெயம் ரவி:- இவர் திருநங்கை கதாபாத்திரம் மற்றும் டான் கதாபாத்திரம் என இரண்டு கதாபாத்திரத்திலும் நடித்த புகழ்பெற்ற திரைப்படம் தான் ஆதிபகவன். இந்த திரைப்படத்தை இயக்குனர் அமீர் அவர்கள் இயக்கி உள்ளார். அதேபோல் நடிகர் ஜெயம் ரவி நிமிர்ந்து நில் என்ற திரைப்படத்திலும் இரண்டு வேடங்களில் நடித்துள்ளார்.
சத்யராஜ்:- தமிழ் சினிமாவில் பன்முக கதாபாத்திர நடிகராக வலம் வந்தவர் நடிகர் சத்யராஜ். மேலும் இவர் வில்லன் கதாபாத்திரத்தில் பல திரைப்படங்களில் நடித்து உள்ளார்.இவர் இரட்டை வேடத்தில் நடித்த திரைப்படம் தான் அமைதிப்படை இந்த திரைப்படத்தில் நடிகர் சத்யராஜ் அவர்கள் வில்லன் மற்றும் நாயகன் என இரு வேடங்களில் நடித்தார்.
கார்த்தி:- நடிகர் கார்த்திக் பருத்திவீரன் என்ற திரைப்படத்தின் மூலம் தமிழ் திரையுலகிற்கு அறிமுகமான இவர் அறிமுகமான முதல் படமே மிகப் பெரிய அளவில் ஹிட் கொடுத்ததால் அடுத்தடுத்த பட வாய்ப்பு இவருக்கு குவிய ஆரம்பித்தது. அந்த வகையில் இவர் இரண்டு வேடங்களில் நடித்த திரைப்படம் தான் காஷ்மோரா இந்த திரைப்படத்தில் ஒரு கதாபாத்திரம் வில்லனாகவும் ஒரு கதாபாத்திரத்தில் நாயகனாகவும் நடித்துள்ளார்.